चितवन : चितवनको भरतपुरस्थित कालिका एफएमले वार्षिकोत्सवको अवसरमा आइतबार आयोजना गरेको ‘यामाहा कालिका एफएम म्युजिक अवार्ड २०७१’ मा चलचित्र ‘नाइँ नभन्नु ल २’ को ‘यी आँखामा तिमी छेउ’ वर्षको सर्वोत्कृष्ट गीत ठहरिएको छ। समारोहमा चलचित्र निर्देशक एवम् गीतकार यादव खरेललाई ‘लाइफटाइम म्युजिक अवार्ड’बाट सम्मान गरिएको छ। खरेलले निकट भविष्यमै आफूले श्रोतामाझ केही नयाँ गीत ल्याउने प्रतिबद्धता व्यक्त गरे।

विभिन्न २५ विधामा प्रदान गरिएका अवार्डमध्ये यो गीतले तीन वटा अवार्ड हात पार्न सफल भएको हो। उत्कृष्ट संगीत संयोजनमा महाराजा थापा र नेपाली चलचित्रको उत्कृष्ट संगीत विधामा वसन्त सापकोटाले यही गीतबाट अवार्ड पाए।
नाइँ नभन्‍नु ल २ कै ‘मर्ने कसैलाई रहर हुँदैन’ बोलको गीत चलचित्रको उत्कृष्ट गीत घोषित भयो। चलचित्रतर्फ उत्कृष्ट गायकमा विन्दास २ को ‘सुन्छु तिमीले मलाई’ बोलको गीतबाट शिव परियार र उत्कृष्ट गायिकामा चलचित्र कालीको ‘बट स्लोली स्लोली’बाट मिलन अमात्यले अवार्ड पाए।

आधुनिक गीततर्फ प्रमोद खरेलले उत्कृष्ट गायक, माण्डवी त्रिपाठीले उत्कृष्ट गायिका, राजकुमार बगरले उत्कृष्ट संगीत र राजनराज शिवाकोटीले उत्कृष्ट गीतको अवार्ड हात हात पारे। पपगीततर्फ गायक कमल खत्री, गायिका सञ्जना श्रेष्ठ, संगीतकार लोकेश गुरुङ र गीतकार योगेन्द्रमणि दाहाल उत्कृष्ट भए। बेस्ट पप ब्यान्डको अवार्ड सविन राई एन्ड इलेक्ट्रोनिक्सले हात पा:यो।

लोकदोहोरीतर्फ ‘चिन्ता छैन केही’ गीतबाट पशुपति शर्मा, ‘धुवाँसरि फैलियो कुरो त’ बोलको गीतबाट मञ्जु पौडेलले अवार्ड जिते। लोकदोहोरी उत्कृष्ट लयमा ‘फूल फुलेर’का लागि रामजी खाँड र उत्कृष्ट शब्दमा ‘६ महिनामा धोका’का लागि शिरीष देवकोटाले अवार्ड पाए। लोकगायिका मञ्जुलाई मरणोपरान्त सम्मान दिइएको हो। उत्कृष्ट गजलको अवार्ड भने आनन्द कार्कीले हात पारे।

सुरज थापाले नवगायकको अवार्ड पाएको कार्यक्रममा स्थानीय कलाकारको विधातर्फ लोकदोहोरी गायकको अवार्ड तीर्थ सापकोटा, एकल गायकको अवार्ड भुवन प्यासीले पाउन सफल भए। उत्कृष्ट स्वदेश गीतको अवार्ड ‘गौतम बुद्ध’ बोलको गीतका लागि भविन्द्र नेम्बाङ, उत्कृष्ट युगल गीतको अवार्ड चलचित्र ‘नोभेम्बर रेन’को ‘पलभरमै’ बोलको गीतबाट युवराज चौलागाई र गायिका रजिना रिमालको भागमा गयो।

अन्नपूर्ण पोस्ट्को सञ्‍चार सहभागितामा भएको अवार्ड वितरण तथा वार्षिकोत्सव समारोहको उद्घाटन समाजसेवी मैयाँदेवी श्रेष्ठले गरेकी थिइन्। कालिका एफएमका अध्यक्ष विक्रम पाण्डेको अध्यक्षतामा भएको कार्यक्रममा विभिन्न गायकगायिकाले आआफ्नो गीतमार्फत दर्शकलाई मनोरञ्‍जन गरेका थिए।
– www.annapurnapost.com

काठमाडौं, १४ फागुन । पुराना हस्ती जो अहिले पनि उत्तिकै सफल छन् यी हुन् संगीतकार राजु सिंह । उनका संगीत पहिला जति चर्चायोग्य थिए अहिले पनि उत्तिकै चर्चित बनिरहेका छन् । राजु सिंह भन्नुपर्दा एउटा सदाबहार संगीतकार हुन् भन्दा पनि फरक पर्दैन । त्यस्तै सफल गीतकारका छवि बनाएका गीतकार हुन् योगेन्द्रमणि दाहाल । उनका गीतका शब्दहरुले पनि धेरैको मन जित्न सफल भएका छन् । थोरै होस् तर राम्रो र सफल गीत लेखियोस् भन्ने उनको सोचाइलाई उनका गीतका शब्दहरुले पनि सफलताको श्रेणी थपिदिएको छ । यिनै गीतकार योगेनद्रमणि दाहाल र संगीतकार राजु सिंहको संयुक्त यात्रा हो यात्रा–२ । यात्रा एक जसरी सफल भएको थियो त्यसैगरी यात्रा–२ पनि सफलताको श्रेणीमा माथि चढिरह्यो ।
यात्रा–२ बाट यस वर्ष धेरै अवार्डहरु प्राप्त गरे गीतकार दाहाल र संगीतकार सिंहले । म्यूजिक खबर म्यूजिक अवार्ड २०१३ मा उत्कृष्ट संगीतकार, गायक, एरेन्जर र एल्बमको अवार्डसहित पाँच विधामा अवार्ड जित्न सफल भएको थियो यात्रा–२ एल्बमले । त्यस्तै हिट्स एफएम म्यूजिक अवार्डमा पनि गायक दीप श्रेष्ठ, संगीतकार राजु सिंह र गीतकार योगेन्द्रमणि दाहालले ह्याट्रिक गर्न सफल भएका थिए । त्यसपछि यात्रा–२ को अवार्डको यात्रा अघि बढ्दै गइरह्यो । त्यसपछि निरन्तर कुनै न कुनै विधामा अवार्ड पाउँदै आएको यात्रा–२ ले यस वर्षको पछिल्लो अवार्डका रुपमा राष्ट्रिय रापती म्यूजिक अवार्डमा पनि सफलताको सूची कायम राख्यो । उत्कृष्ट एल्बमसहित तीन विधामा अवार्ड जित्न सफल यात्रा–२ ले उत्कृष्ट संगीतकार राजु सिंह र उत्कृष्ट ध्वनि मुद्रणबाट किशोर थापालाई अवार्ड दिलायो । बादलहरु हो बोलको गीत र तिम्रो आँखामा बोलको गीतबाट अवार्ड चुमिरहेका गीतकार योगेन्द्रमणि र राजु सिंह यात्रा–२ जस्तै अर्को गीतिसंग्रह माया नै मायाले पनि अवार्ड चुमिसकेको छ । उक्त एल्बमबाट संगीतकार राजु सिंहले अवार्ड उत्कृष्ट पप संगीतकारको अवार्ड चुमिसकेका छन् । यसरी हेर्दा दाहालको शब्द होस् या सिंहको संगीत यस वर्ष उत्कृष्टताको श्रेष्णीमा उचाइ चुम्दै गइरहेको छ ।

Musickhabar Music Award 2013

तारा थापा उपचार सहयोग समितिका सदस्यले व्यक्तिगत रूपमा संकलन गरेको एक लाख ८५ हजार, गीतकार समाजका तर्फबाट अध्यक्ष योगेन्द्रमणि दाहालले संकलन गरेको ५० हजारसहित दुई लाख ३५ हजार नगद गायक दीप श्रेष्ठले हस्तान्तरण गरे।

– annapurnapost.com